Lei orgánica 1/1981, do 6 de abril, do Estatuto de Autonomía para Galicia (B.O.E. n.° 101, do 28/4/81)
Artigo 5
1. A lingua propia de Galicia e o galego.
2. Os idiomas galego e castelán son oficiais de Galicia e todos teñen o
dereito de os coñecer e de os usar.
3. Os poderes públicos de Galicia garantiran o uso normal e oficial dos dous
idiomas e potenciaran o emprego do galego en tódolos planos da vida publica,
cultural e informativa, e disporán os medios necesarios para facilita-lo seu coñecemento.
4. Ninguén poderá ser discriminado por causa da lingua.
Artigo 25
Na resolución dos concursos e oposicións para prover os postos de Maxistrados, Xuíces, Secretarios Xudiciais, Fiscais e tódolos funcionarios o servicio da Administración de Xustiza, será mérito preferente a especialización no dereito galego e o coñecemento do idioma do Pais.
Artigo 26
1. Os Notarios e os Rexistradores da Propiedade e Mercantís serán nomeados pola Comunidade Autónoma, en conformidade coas Leis do Estado. Para a provisión de notarias, os candidatos serán admitidos en igualdade de dereitos, tanto se exercen no territorio de Galicia coma no resto de España. Nestes concursos e oposicións será mérito preferente a especialización en Dereito galego e o coñecemento do idioma do Pais. Non se poderá establecer, en ningún dos casos, a excepción de natureza ou de veciñanza.
TITULO SEGUNDO DAS COMPETENCIAS DE GALICIA
CAPITULO I
DAS COMPETENCIAS EN XERAL
Artigo 27
No marco do presente Estatuto correspóndelle a Comunidade Autónoma galega a
competencia exclusiva das seguintes materias:
20. A promoción e o ensino da Lingua galega.
Artigo 31
E da competencia plena da Comunidade Autónoma galega o regulamento e administración do ensino en toda a súa extensión, niveis e graos, modalidades e especialidades, no ámbito das súas competencias, sen prexuízo do disposto no artigo 27 da Constitución e nas Leis orgánicas que, conforme o apartado 1.° do artigo 81 da mesma, o desenvolvan, das facultades que lle atribúe o Estado o numero 30 do apartado 1 do artigo 149 da Constitución e da alta inspección precisa para o seu cumprimento e garantía.